دعوتِ اسلامی کے زیرِ اہتمام 9 دسمبر2022ء  کو ضلع مظفرگڑھ سٹی علی پور میں سحری اجتماع ہوا جس میں جامعۃ ُالمدینہ کےطلبہ ا ور مقامی عاشقانِ رسول نے شرکت کی۔

سحری اجتماع میں اسلامی بھائیوں نے باجماعت نمازِ تہجد ادا کی۔ بعدازاں ڈویژن ذمہ دارغلام عباس عطاری نے سنتوں بھرابیان کرتے ہوئے حاضرین کی دینی و اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا ۔

اذانِ فجر کے بعد مسجد سے باہر جاکر اسلامی بھائیوں نے صدائے مدینہ لگاتے ہوئے اہلِ محلہ کو نمازِ فجر کے لئے جگایا۔بعد نمازِ فجرتفسیر کاحلقہ،شجرہ شریف کے اوراداور اشراق وچاشت کی نماز ادا کی گئی۔ ( کانٹینٹ: رمضان رضا عطاری )

عاشقانِ رسول  کی دینی تحریک دعوتِ اسلامی کے شعبہ اصلاحِ اعمال کے زیرِ اہتمام 8 دسمبر 2022ء کو ضلع مظفرگڑھ علی پور کے مدرسۃُالمدینہ میں اصلاحِ اعمال اجتماع منعقد ہوا جس میں مدرسۃُالمدینہ کے طلبہ و اساتذہ نے شرکت کی ۔

ڈویژن ذمہ دار غلام عباس عطاری نے’’ درودِ پاک و ذکرُاللہ‘‘ کے موضوعات پر سنتوں بھرا بیان کیااور شرکا کو درودِ پاک پڑھنے کا ذہن دیتے ہوئے رسالہ نیک اعمال سے جائزہ کرنے نیز ہفتہ وار رسالہ پڑھنے کی ترغیب دلائی ۔ (کانٹینٹ: رمضان رضا عطاری)

5دسمبر2022ء  کو دعوتِ اسلامی کے شعبہ اصلاح ِاعمال کے تحت ڈی جی خان کوٹ ادو فیضانِ مدینہ میں یومِ قفلِ مدینہ اجتماع ہوا جس میں جامعۃ ُالمدینہ کے طلبہ و تنظیمی ذمہ داران کی شرکت ہوئی۔

اجتماع کا آغاز تلاوتِ قراٰنِ پاک اور نعتِ رسول صلَّی اللہ علیہ واٰلہٖ وسلَّم سے کیا گیا۔بعدازاں اصلاحِ اعمال ڈویژن سطح کے ذمہ دار غلام عباس عطاری نے ’’توبہ‘‘ کے موضوع پر سنتوں بھرا بیان کیااور اسلامی بھائیوں کو نگاہِ جھکا کر چلنے کی مشق کروائی ۔ دعااور صلاۃُ و سلام پر اجتماعِ پاک کا اختتام ہوا۔( کانٹینٹ: رمضان رضا عطاری)

28 نومبر 2022ء  پیر شریف دعوت اسلامی کے شعبہ نیک اعمال کے تحت جامع مسجد فاروقیہ حنفیہ گاؤں ابوالخیر کوٹ تحصیل عبدالملک فیروز والہ ڈسٹرکٹ شیخوپورہ میں سحری اجتماع کا انعقاد ہوا جس میں مقامی عاشقانِ رسول نے شرکت کی۔

سحری اجتماع میں اسلامی بھائیوں نے باجماعت نمازِ تہجد ادا کی۔ اس کے بعد ڈسٹرکٹ نگران حاجی عبدالرشید عطاری نے ’’فکرِ آخرت ‘‘ کے موضوع پر سنتوں بھرابیان کیا اور اسلامی بھائیوں کو ایک ماہ کے مدنی قافلے میں سفر کرنے کی ترغیب دلاتی ہوئے ان کے نام لکھے۔ علاوہ ازیں مناجات اور سحری کا سلسلہ ہوااور اذان ِفجر کے بعد اسلامی بھائیوں نے مسجد سے باہر جاکر اہلِ محلہ کو نمازِ فجر کے لئے جگانے کے لئے صدائے مدینہ لگائی ۔ ( کانٹینٹ: رمضان رضا عطاری )

عاشقانِ رسول کی دینی تحریک دعوتِ اسلامی کے تحت پچھلے دنوں شعبہ اصلاحِ اعمال کے ذمہ دار اسلامی بھائیوں نے دینی کاموں کے سلسلے میں ہری پور کے مختلف مقامات کا دورہ کیا۔

معلومات کے مطابق ذمہ داران نے پاکستان میڈیکل اسٹور ہری پور، فیصل ہول سیل مین بازار ہری پور، مدینہ ہوٹل مین بازار ہری پور، سکندر پور شوروم ہری پور اور عروج کلاتھ ہاوس مین بازار ہری پور میں سیکھنے سکھانے کے حلقے لگائے۔

شعبے کے صوبائی ذمہ دار حافظ بلال عطاری نے ان حلقوں میں موجود تاجران سمیت دیگر عاشقانِ رسول کی دینی و اخلاقی تربیت کرتے ہوئے انہیں دعوتِ اسلامی کے تحت ہونے والے ٹیلی تھون میں حصہ ملانے کی ترغیب دلائی جس پر انہوں نے اچھی اچھی نیتوں کا اظہا رکیا اور بعض نے ٹیلی تھون جمع بھی کروایا۔اس موقع پرصوبائی ذمہ دار کے ہمراہ شعبے کے مختلف سطح کے ذمہ داران موجود تھے۔(کانٹینٹ:غیاث الدین عطاری)

پچھلے دنوں دعوتِ اسلامی کے زیرِ اہتمام گلبرگ ٹاؤن مال روڈ پر قائم جامعۃ المدینہ بوائز میں سحری اجتماع  کا انعقاد کیا گیا جس میں طلبۂ کرام سمیت کثیر تعداد میں اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے شرکا کے درمیان سنتوں بھرا بیان کرتے ہوئے اُن کی دینی و اخلاقی اعتبار سے تربیت کی اور انہیں مدنی پھولوں سے نوازا۔

اس دوران نمازِ تہجد، ذکر و اذکار اور نمازِ اشراق و چاشت سمیت مختلف دینی ایکٹیویٹیز کا سلسلہ رہا جس میں عاشقانِ رسول نے بھر انداز میں حصہ لیا۔بعدازاں رکنِ شوریٰ نے اسلامی بھائیوں کے ہمراہ سحری کی۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

ماہ ذوالحجہ الحرام  کے روزوں کے فضائل حاصل کرنے کے لئے دعوتِ اسلامی کے زیرِ اہتمام لاہور کے علاقے رحمٰن سٹی میں قائم جامعۃ المدینہ بوائز میں سحری اجتماع کا انعقاد کیاگیا جس میں کثیر عاشقانِ رسول کی شرکت رہی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے اسلامی بھائیوں کے درمیان سنتوں بھرا بیان کرتے ہوئے اُن کی دینی و اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا نیز ذکر و اذکار اور نماز تہجد سمیت مختلف دینی ایکٹیویٹیز کا سلسلہ رہا۔بعدازاں رکنِ شوریٰ نے عاشقانِ رسول کے ہمراہ سحری کی۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

صوبۂ پنجاب پاکستان کے شہر فیصل آباد میں قائم دعوتِ اسلامی کے مدنی مرکز فیضان مدینہ میں 3 جولائی 2022ء بروز اتوار شعبہ اصلاحِ اعمال کے ذمہ داران کا مدنی مشورہ منعقد ہوا جس میں شعبے کے متعلقہ رکن ِشوریٰ حاجی فضیل رضا عطاری، نگران شعبہ، صوبائی اور اوورسیز ذمہ داران نے شرکت کی۔

تفصیلات کے مطابق اس مدنی مشورے میں مرکزی مجلسِ شوریٰ کے رکن و نگران ِپاکستان مشاورت حاجی محمد شاہد عطاری نے شعبے کی صوبہ وائز کارکردگی مع تقابلی جائزہ (جنوری 2022ء تا مئی 2022ء) اور 2026ء کے اہداف، شعبے کو خود کفیل بنانے اور آمدن کو بڑھانے کے اقدامات، کے پی آئز، ٹاسک مینجمنٹ، تقرری، فیڈبیک، شعبے کے جائزے، سابقہ مدنی مشوروں کے مدنی پھولوں اور اس کے علاوہ دیگر اہم امور کے بارے میں گفتگو کی۔

نگران پاکستان مشاورت حاجی محمد شاہد عطاری نے شعبے کی کارکردگی کاجائزہ لیتے ہوئے مدنی پھولوں سے نوازا جن میں سے چند درج ذیل ہیں:

1:امیرِ اہلِ سنت ابوبلال محمد الیاس عطار قادری دامت بَرَکَاتُہمُ العالیہ نے دعوت اسلامی والوں کو بالخصوص اور تمام عاشقان رسول کو بالعموم یہ ذہن دیا ہے کہ اپنی اور دنیا بھر لوگوں کی بھی اصلاح کرنی ہے جس کے لئے ہمیں مدنی مقصد دیا ہے ”مجھے اپنی اور ساری دنیا کے لوگوں کی اصلاح کی کوشش کرنی ہے ان شاء اللہ“ اس مدنی مقصد میں دعوت اسلامی والوں میں جو اہم ترین شعبہ یہ کام کر سکتا ہے وہ ہے اصلاحِ اعمال کا شعبہ جس کے ذریعے سے اسلامی بھائیوں میں 72 نیک اعمال کے رسائل اور اسلامی بہنوں میں 63 نیک اعمال کے رسالے تقسیم کئے جاتے ہیں اور تر غیبات کا سلسلہ ہوتا ہے۔

2:شعبہ اصلاحِ اعمال کے تحت نیک اعمال اجتماع کاسلسلہ ہوتا رہتا ہے جس میں سے مئی 2022ء میں 1 ہزار225 اجتماعات کی ترکیب ہوئی۔

3:پیر کا روزہ رکھنا پیارے آقا ﷺ کی سنت ہے، شعبہ اصلاح اعمال کے تحت مئی2022ء میں ایک ہزار231 مقات پر سحری اجتماعات کا انعقاد ہوا۔

4:نماز تہجد کی بڑی فضیلت ہے الحمد للہ شعبہ اصلاح اعمال کے تحت 2ہزار882 مقات پر مساجد میں تہجد اجتماع کا سلسلہ ہوا۔

پچھلے دنوں عاشقانِ رسول کی دینی تحریک دعوتِ اسلامی کے زیرِ اہتمام پنجاب پاکستان کے شہر لاہور میں قائم مدنی مرکز فیضانِ مدینہ میں سحری اجتما ع کا انعقاد کیا گیا جس میں مرکزی مجلسِ شوریٰ کے رکن حاجی یعفور رضا عطاری سمیت کم و بیش 150 اسلامی بھائیوں نے شرکت کی۔

اس اجتماعِ پاک میں رکنِ شوریٰ نے سنتوں بھرا بیان کرتے ہوئے اسلامی بھائیوں کی دینی و اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر عاشقانِ رسول نےاچھی اچھی نیتیں کیں۔بعدازاں شرکائے اجتماع کے لئے خیر خواہی کا بھی اہتمام کیا گیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پنجاب پاکستان کے علاقے فورٹ منرو میں پچھلے دنوں دعوتِ اسلامی کے شعبہ اصلاحِ اعمال کے زیرِا ہتمام 63 دن کا تربیتی کورس منعقد کیا گیا جس میں قرب و جوار کے کثیر اسلامی بھائیوں کی شرکت رہی۔

دورانِ کورس 24 جون 2022ء بروز جمعہ شرکا کے لئے سیکھنے سکھانے کا حلقہ لگایا گیا جس میں صوبائی ذمہ دار شعبہ اصلاح اعمال قاری بلال عطاری نے سنتوں بھرا بیان کیا اور کورس میں شریک اسلامی بھائیوں کو 72 نیک اعمال رسالے کے مطابق اپنی زندگی گزارنے کا ذہن دیا جس پر انہوں نے اچھی اچھی نیتیں کیں۔بعدازاں صوبائی ذمہ دار نے شرکائے کورس کو اپنے اپنے علاقوں میں دعوتِ اسلامی کے 12 دینی کاموں میں عملی طور پر حصہ لینے کی ترغیب دلائی۔(رپورٹ:غلام عباس عطاری اصلاح اعمال، کانٹینٹ:غیاث الدین عطاری)

14 جون 2022ء بروز منگل پنجاب پاکستان کے شہر ڈیرہ غازی خان میں قائم مدنی مرکز فیضانِ مدینہ میں تہجد اجتماع کا انعقاد کیا گیا جس میں علاقے کے عاشقانِ رسول سمیت جامعۃ المدینہ بوائز کے طلبۂ کرام نے شرکت کی۔

دورانِ اجتماع ڈویژن نگران حاجی اقبال اورغلام عباس عطاری (شعبہ اصلاِح اعمال) نے شرکا کی تربیت کرتے ہوئے انہیں تہجد کے فضائل بیان کئے اور دعوتِ اسلامی کے 12 دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:غلام عباس عطاری، کانٹینٹ:غیاث الدین عطاری)

دعوتِ اسلامی کے زیرِ اہتمام 9 جون 2022ء بروز جمعرات ماڈل کالونی3 UC کورنگی ڈسٹرکٹ کراچی میں قائم جامع مسجد فیضان عشق رسول میں مرحوم رکنِ شوریٰ حاجی زم زم علیہ رحمۃ کے ایصالِ ثواب کے لئے سحری اجتماع کا انعقاد کیا گیا۔

اس اجتماعِ پاک میں دعوتِ اسلامی کی مرکزی مجلسِ شوریٰ کے رکن حاجی فضیل رضا عطاری سمیت دیگر ذمہ دار اسلامی بھائیوں نے شرکت کی، دورانِ اجتماع ذکر و بیان، نمازِ تہجد، دعا اور سحری کا بھی سلسلہ رہا۔

بعدازاں رکن شوریٰ حاجی فضیل رضا عطاری نے سنتوں بھرا بیان کرتے ہوئے اجتماع میں شریک عاشقانِ رسول کی دینی و اخلاقی اعتبار سے تربیت کی اور انہیں دعوتِ اسلامی کے دینی کاموں میں عملی طور پر حصہ لینے کا ذہن دیا جس پر عاشقانِ رسول نےاچھی اچھی نیتیں کیں۔(کانٹینٹ:غیاث الدین عطاری)