آقا صلَّی اللہ علیہ واٰلہٖ وسلَّم کی دکھیاری امت کی غمخواری کا درد رکھتے ہوئے مجلس مکتوبات و تعویذاتِ عطاریہ کے تحت اسلامی بہنوں کے لئے اسپین میں تعویذاتِ عطاریہ کے اسٹال کا آغاز ہوچکا ہے جہاں ذمّہ دار اسلامی بہنیں شریعت کے مطابق پردے میں رہتے ہوئے تعویذاتِ عطاریہ و اورادو وظائف کے ذریعے فی سبیلللہ روحانی علاج کرتی ہیں ۔

دعوتِ اسلامی کے تحت اسلامی بہنوں کے لئے بنگلہ دیش کے شہر ڈھاکہ،  چٹاگانگ، سلہٹ، سیدپوراور کومیلازون میں دعائے شفااجتماعات کا انعقاد کیا گیا جس میں کثیر اسلامی بہنوں نے شرکت کی۔مبلغاتِ دعوتِ اسلامی نے سنّتوں بھرے بیانات کئے اور اجتماعِ پاک میں شریک اسلامی بہنوں کی تربیت کی۔

دنیا بھر میں قراٰن و سنّت کی تعلیمات کو عام کرنے والی عاشقانِ رسول کی مدنی تحریک دعوتِ اسلامی جس طرح اسلامی بھائیوں میں نیکی کی دعوت کوعام کر رہی ہے اسی طرح اسلامی بہنوں تک بھی اپنا پیغام پہنچا رہی ہے ۔اَلْحَمْدُ لِلّٰہِ عَزَّ وَجَلَّ جولائی2019ء کے مہینے میں بیسوسمار اسپین میں دو مقامات پر مدرسۃ المدینہ بالغات آغاز ہوا جس میں کئی طالبات اسلامی بہنوں نے داخلہ بھی لے لیا۔مزید داخلوں کا سلسلہ جاری ہے بیسوسمار اسپین کی مقامی اسلامی بہنیں جلد از جلد اپنے مقامی ذمّہ دار اسلامی بہنوں سے رابطہ فرمائیں۔

دعوتِ اسلامی کی مجلس شارٹ کورسز کے تحتیوکے، کے شہر سلاو میں تین دن کے رہائشی” فیضانِ نماز کورس“ کا انعقاد کیا گیا جس میں ذمّہ داران اسلامی بہنوں سمیت تقریبا 79 اسلامی بہنوں نے شرکت کی سعادت حاصل کی۔مبلغاتِ دعوتِ اسلامی نے سنّتوں بھرے بیانات کرتے ہوئے اسلامی بہنوں کو وضو کا طریقہ ، غسل کا طریقہ،اسلامی بہنوں کی نما ز کا عملی طریقہ اور نماز کے مسائل سکھائے نیز اس کورس میں شریک اسلامی بہنوں کو اپنی قضا عمری نمازوں کو جلد ادا کرنے،قراٰنِ مجید کو درست مخارج سے پڑھنے کے لئے اپنے علاقے کے مدرستہ المدینہ میں داخلہ لینےاور اپنے اپنے علاقوں میں ہونے والے اسلامی بہنوں کے سنّتوں بھرے اجتماعات میں شرکت کرنےکا ذہن دیا۔

دعوتِ اسلامی کے تحت یوکے، کے شہر بری،  بلیک برن ، بریڈفورڈ باٹلے، ڈیوذبری، ہڈرزفیلڈ، بریڈ فرڈ، حیک مُنڈ وئک ڈڈلی، کووینٹری، برسٹل اور برمنگھم میں 16 مقامات پر اور وال سال کے 04مقامات پر دعائے شفاء اجتماعات کا انعقاد کیاگیا جس میں کثیر اسلامی بہنوں نے شرکت کی سعادت حاصل کی۔ مبلغاتِ دعوتِ اسلامی نے سنّتوں بھرے بیانات کئے اور شریک اسلامی بہنوں کی تربیت کرتے ہوئے نمازوں کی پابندی کرنے ،بیماروں کی عیادت کرنے اور اپنےاپنے علاقوں میں سنّتوں بھرے اجتماعات میں پابندی سے شرکت کرنے کی ترغیب دلائی۔

دعوتِ اسلامی کے تحت سید پور بنگلہ دیش کے علاقے بہادر بازار، کانچن کا لونی اور گولاھاٹ میں اسلامی بہنوں کے لئے  تین نئے مدارس المدینہ بالغات کا افتتاح کیا گیا ہے جس میں فی سَبیْلِاللہ اسلامی بہنوں کو درست ادائیگی و مخارج کے ساتھ قراٰنِ پاک کی تعلیم اور اس کے علاوہ اخلاقی تربیت کی جائے گی۔اب تک کثیر طالبات کے نئے داخلے آچکے ہیں اور مزید داخلو ں کا سلسلہ جاری ہے۔بالخصوص مذکورہ علاقوں کی اسلامی بہنوں سے گزارش کے مدرسۃ المدینہ بالغات میں داخلے کے لئے اپنے علاقے کی ذمّہ دارا اسلامی بہن سے جلد رابطہ فرمائیں۔

دعوتِ اسلامی کی مجلس شارٹ کورسز کے تحت یوکے ،کےشہر(Walthamstow) سات دن پر مشتمل ”فیضانِ حج و عمرہ کورس“ کا انعقاد کیا گیا۔جس میں مقامی اسلامی بہنوں نے شرکت کی جن میں 10 اسلامی بہنیں اس سال حج کی سعادت پانے والی بھی شامل تھیں۔اس مدنی کورس کےاختتام پر اسلامی بہنوں نے سلسلہ عالیہ قادریہ میں داخل ہونے ، دعوتِ اسلامی کے مدنی کام کرنے اور سنّتوں بھرے اجتماع میں شرکت کی نیتیں بھی کیں ۔

دعوتِ اسلامی کی مجلسِ شارٹ کورسز کے تحت اسلامی بہنوں کو علمِ  دین کی روشنی سے آراستہ کرنے کے لئےملک و بیرونِ ملک میں مختلف مدنی کورسز کا انعقاد کیا جاتا ہے۔تاہم مجلسِ شارٹ کورسز کے تحت یوکے کے شہر ڈربی میں 30 دن پر مشتمل” فیضانِ علم کورس“ 8جولائی 2019ء سے جاری ہے جس میں مقامی اسلامی بہنوں سمیت بالخصوص جامعات المدینہ للبنات کی اسلامی بہنیں شرکت کررہی ہیں۔

اَلْحَمْدُ لِلّٰہِ عَزَّ وَجَلَّ اللہ پاک کے کرم سے پیارے آقا صلَّی اللہ علیہ واٰلہٖ وسلَّم کی دکھیاری امّت کی غمخواری کےلئے دعوتِ اسلامی کی مجلس مکتوبات و تعویذاتِ عطاریہ کے تحت اسلامی بہنوں کے لئےاٹلی کے شہر بریشیا میں تعویذاتِ عطاریہ کےمدنی بستے کا آغاز ہوچکا ہےجہاں پردے میں رہتے ہوئے اسلامی بہنیں اسلامی بہنوں کا تعویذاتِ عطاریہ کے ذریعے فی سبیلاللہ روحانی علاج کرتی ہیں ۔